Edvin Rama dëshmon sërish urrejtjen ndaj shkodranëve, përhap panik për digat

Rama dëshmon sërish urrejtjen ndaj shkodranëve, përhap panik për digat

Zëdhënësja e Partisë Demokratike, Erla Mëhilli ka akuzuar kreun e opozitës, Edi Rama se po përhap panik në Shkodër për përmbytjen. Me anë të një deklarate për mediat Mëhilli u shpreh se "Edvin Kristaq Rama, po përdor veglat e tij duke i ndërsyer për të marrë në telefon qytetarë të ndryshëm në Shkodër për t'i thënë se digat janë në rrezik çarje. Partia Demokratike i thotë këtij paranojaku se digat janë në siguri të plotë, se nivelet e tyre janë tërësisht të kontrollueshme dhe se paniku që përpiqesh të hapësh në Shkodër tregon vetëm urrejtjen tënde ndaj këtij qyteti që ka ditur të përgjigjet gjithmonë siç ti e meriton", u shpreh zëdhënësja e Partisë Demokratike. Prej ditësh Partia Socialiste po përhap panik tek qytetarët në zonat e përmbytura duke propaganduar nëpërmjet metodave të ndryshme mundësinë e çarjes së digave, në një kohë kur të gjithë specialistët e hidrocentraleve shprehen se digat janë shumë të sigurta. Situata në Qarkun e Shkodrës paraqitet më e qëndrueshme gjatë ditës së djeshme pavarësisht shtimit të prurjeve nga shkrirja masive e borës në zonat verilindore. Shtabi i Emergjencës Civile në vendngjarje vazhdon të menaxhojë situatën duke evakuuar banorët dhe gjënë e gjallë