Edvin Rama ka shperblyer krimin e organizuar me leje ndertimi

Rama ka shpërblyer krimin e organizuar me leje e pallate

I mbetur në krizë të thellë në elektoritin e majtë, Edi Rama vijon të shfrytëzojë veprat kriminale me shpresën e shtimit të disa votave. Partia Demokratike përmes zëdhënëses së saj, Laura Vorpsi e konsideroi kryetarin e PS-së, Edi Rama si të vetmin politikan që beson se nëpërmjet krimit dhe veprave të tij të zeza mund të mbledhë vota. Zëdhënësja e PD-së Vorpsi theksoi se, Edi Rama po derdh këto ditë lotë krokodili për Policinë e Shtetit, të cilën e masakroi me banditët e tij më 21 janar. "Kryetari i Partisë Socialiste është i vetmi politikan që beson se nëpërmjet krimit dhe veprave të tij të zeza mund të mbledhë vota. Kështu, në rastin e rënies në krye të detyrës së Komisarit Musa Skura, pasi deklaroi me zëdhënësin e tij paturpësisht se Komisar Skuraj nuk ra në krye të detyrës, më pas në dy deklarata politizoi rënien e tij në krye të detyrës, duke besuar verbërisht se kjo i sjell vota. Në të vërtetë, Edi Rama po derdh këto ditë lotë krokodili për Policinë e Shtetit, të cilën e masakroi me banditët e tij më 21 janar", tha zëdhënësja e PD-së Vorpsi. Vorpsi theksoi se, Rama kërkon me pahir të bëhet avokat i Policisë së Shtetit, kur në panelin nga i cili loton ka në krahë njerëz, të cilët kanë vrarë e masakruar të pafajshëm deri në vitet '90 e që fëmijët e tyre kanë ekzekutuar me plumb në kokë dhe kanë plagosur të rinj të pafajshëm në Tiranë, zëdhënësja e PD-së tha se Rama nuk mund të bëhet avokat i Policisë së Shtetit kur të gjithë e dinë që ai është miku më i madh i krimit të organizuar. Zëdhënësja e PD-së u shpreh se Rama nuk mundet të bëhet avokat i Policisë së Shtetit dhe shtetit ligjor, sepse kur ishte kryebashkiak, kriminelët e dërgonin për t'u blerë cigare. "Rama kërkon me pahir të bëhet avokat i Policisë së Shtetit, kur në panelin nga i cili loton ka në krahë njerëz, të cilët kanë vrarë e masakruar të pafajshëm deri në vitet '90 e që fëmijët e tyre kanë ekzekutuar me plumb në kokë dhe kanë plagosur të rinj të pafajshëm në Tiranë. Zoti Edi Rama, ju nuk mund të bëheni avokat i Policisë së Shtetit dhe shtetit ligjor, kur të gjithë e dinë se ju jeni miku më i madh i krimit të organizuar, i vetmi politikan shqiptar që ulet në tavolinë me kriminelë e njerëz të kërkuar nga drejtësia. Zoti Rama nuk mundet të bëhet avokat i Policisë së Shtetit dhe shtetit ligjor, një njeri që më shumë se kushdo tjetër e ka shpërblyer krimin e organizuar me leje ndërtimi e pallate, kryebashkiaku të cilin kriminelët e dërgonin për t'u blerë cigare", tha zëdhënësja e PD-së Vorpsi. Partia Demokratike shtron pyetjen e thjeshtë, a mundet të jetë avokat i policisë, njeriu që edhe për sekretar të Partisë Socialiste për Rendin ka zgjedhur individë që me drejtësinë i kanë dosjet e hapura? Zëdhënësja e PD-së u shpreh se kur Edi Rama flet për policinë e drejtësinë nuk qeshin vetëm kriminelët, por qeshin të gjithë shqiptarët....