Arvizu: – Opozita të pranojë ftesën e mazhorancës

- Ambasadori i SHBA-së në Tiranë, Aleksandër Arvizu, i bëri thirrje të hënën klasës politike shqiptare që të nisë dialogun për reformën zgjedhore dhe plotësimin e rekomandimeve të OSBE/ODIHR-it për zgjedhjet e 8 majit. Deklarata e Arvizut u bë sot në një prononcim për mediat, pas një takimi zhvilluar në ministrinë e Turizmit, Kulturës, Rinisë dhe Sporteve.

Duke u ndalur në raportin e OSBE/ODIHR-it për zgjedhjet vendore të 8 majit, Arvizu tha se raporti ishte tërësor, i plotë dhe i qartë. Sipas tij, pas publikimit të tij i mbetet klasës politike shqiptare për plotësimin e rekomandimeve, për të cilat kërkohet bashkëpunim dhe dialog politik. Arvizu theksoi se ndryshimet në Kodin Zgjedhor janë të domosdoshme, pasi OSBE-ja ka shprehur disa herë shqetësimin për përmirësimin e Kodit Zgjedhor, që aktualisht vlerësohet me një sërë boshllëqesh.

Në fillim të muajit shtator do të jetë ambasadori i OSBE-së në Tiranë Eugen Wollfarth i cili pritet të raportojë para Këshillit të Përhershëm të OSBE-së në Vjene për zhvillimet politike dhe jo vetëm gjatë këtij viti në Shqipëri