Nano: Rama ka bërë marrëveshje për të ndarë pushtetin me Berishën

Nano: Rama ka bërë marrëveshje për të ndarë pushtetin me Berishën
Ish lideri i socialistëve: PS, është shndërruar në tranvestit politik

-Jeni deputet në të gjitha legjislaturat, keni transformuar Partinë e Punës, humbët zgjedhjet e 20005. Do të jeni më tej deputet?

Nuk besoj pasi më përmendët disa kulme të kontributit tim politik të së majtës. Pasi përmendet kontributet që evokuat, do të kontestoja menjëherë atë që e paraqitët si dilemë. Nuk besoj se veprimtaria ime politike apo kontributi që ende nuk ka sosur për të majtën dhe të gjitha forcat progresiste që punojnë për integrimin e vendit në botën euroatlantike do të ndërpritej në qenien ose jo në listën e radhës. Nuk besoj se kjo është një gjë e papritur për opinioni publik. Kjo nuk ndryshon asgjë në aktivitetin e derimësotëm. Nuk e kam lidhur aktivitetin tim me karrigen e deputetit. Vazhdoj të jem i preokupuar për fatet e familjes sime politike. Duke shkuar në të gjithë aktivitetet me dhe pa pjesëmarrjen në seanca që janë pasoja që kanë ndodhur në 20005 dhe gjatë katër vitesh me PS, e cila jo vetëm u ble nga kryetari i Bashkisë së Tiranës, por dhe u degradua e u deformua. Iu fshi memoria nga arkivi i eksperiencës qeverisëse.
Tashmë po transformohet nga pikëpamja me njerëz pa identitet dhe nuk kanë rekord në administrim publik të shtetit dhe të qeverisjes dhe më në fund siç e kam thënë, nuk mund të ndërpres aktivitetin tim politik, nuk mund të mos i kushtoj vëmendje zhvillimeve politike edhe në PS vetëm e vetëm nga karrigia parlamentare apo nga salla e Kuvendit. Nuk besoj se kjo që po ndodh me listat e përfaqësuesve të PS, është i vetmi akt i vërtetë pas mangësisë publike i politikës përkulëse të mbyllur pas perdeve të interesave aspak përfaqësuese që Rama ka ushtruar në PS deri më sot. Fakti që u shty deri në sekondat e fundit, prania ime me lista nuk lidhet fare me njëra-tjetrën, nuk po bëhen detyrat politike të partisë më të madhe ndaj publikut, fakti që edhe në këto minuta e gjithë selia e PS është në kaos të plotë, do të thotë që deri në këto çaste të fundit Rama nuk mund të mos i tregonte kthetrat e veta që e ka humbur kontributin e PS. Tani po vijnë produktet e Ramës në lista, ka kaos. Po sjell ankthin e socialistëve. PS, në këto zgjedhje hyn në mënyrë kaotike. Ky informacion vjen nga socialistët e vërtetë që mbeten në kontakt me kryetarin e tyre historik