Mafia qe ka pushtuat ps.

Sekti që ka pushtuar PS

Zgjedhjet e vitit 2013 do të jenë fundi i spastrimeve politike të Ramës në PS dhe zëvendësimi i plotë i emrave të socialistëve me pjesën e ardhur në PS nga organizata "Mjaft". Projekti i Ramës ka nisur menjëherë pas ardhjes së tij në krye të PS, por vetëm tani pas 6 vitesh mund të thuhet se ai po shkon drejt konkretizimit të plotë. Tashmë pjesa më e madhe e njerëzve në strukturat drejtuese të PS vijnë pikërisht nga organizata "Mjaft". Megjithëse Rama i ka katapultuar këta adoleshentë me pahir në krye të forumeve drejtuese të PS, kjo ka bërë që konflikti të jetë real mes bazës së partisë dhe këtyre personave të katapultuar. Asnjë prej tyre nuk ka ardhur nga procesi i zgjedhjes së bazës socialiste, por të gjithë janë vendosur aty si miq të Kryetarit. Hendeku mes këtyre prurjeve të Ramës dhe socialistëve pritet që të bëhet edhe më evident gjatë ditëve dhe javëve të ardhshme. Të gjithë drejtuesit e Lëvizjes Mjaft, e cila e përfundoi misionin e saj me zgjedhjen dhe rizgjedhjen e Edi Ramës në krye të PS-së, sot janë eksponentët kryesorë të Partisë Socialiste. Kështu, kryetari i parë i Lëvizjes "Mjaft", Erion Veliaj, aktualisht është Sekretar për Rininë dhe Emigracionin në Partinë Socialiste, njëherazi dhe anëtar i Asamblesë Kombëtare të kësaj partie. Numri dy i Lëvizjes "Mjaft", gjatë viteve 2005-2007 Olta Xhaçka drejton sot Forumin e Gruas Socialiste e zgjedhur në këtë detyrë me dhunë nga Rama dhe ish-kolegët e saj në Lëvizjen Mjaft. Ndërsa, ish-drejtuesi i Departamentit për Marrëdhëniet me Jashtë në Lëvizjen "Mjaft", Endri Fuga, është emëruar këshilltar kryesor i kreut të PS-së, Edi Rama. Madje pa miratimin e Endri Fugës, asnjë deputet përfshi këtu edhe Gramoz Ruçin nuk mund të flasi për mediat apo për opinionin publik.

Veliaj, ish-kryetar i MJAFT, Sekretar i Rinisë në PS

Përdorimi i shoqërisë civile nga Edi Rama i ka rrënjët që në zgjedhjen e tij në krye të Partisë Socialiste. Krijimi i Lëvizjes MJAFT me në krye Erion Veliaj, i mundësoi Ramës një alibi për të kërkuar mbështetje tek anëtarësia socialiste si një njeri që mbështetej gjerësisht nga shoqëria civile. Pasi shtiu në dorë Partinë Socialiste, Rama i ktheu kusurin Velisë, duke e mbështetur në disa projekte të financuara për shoqërinë civile. Me misionin fisnik të shoqërisë civile, si partner në demokratizimin e jetës së një vendi, Veliaj iu dha para në kurriz të OJF-ve të tij mbështetësve të kreut socialist Rama.

Spiropali, kryetare e FRESH, ish-kryetare e MJAFT

Fondacioni ANDA, i drejtuar nga kryetarja e FRESH-it, Elisa Spiropali dhe Endri Fuga, përbën një tjetër bërthamë të shoqërisë civile, që merr urdhra direkt nga kryetari i Partisë Socialiste. Spiropali, me anë të fondacionit të saj tentoi të përdorte një grup minatorësh për qëllime politike. Fondacioni i Spiropalit dhe Endri Fugës, shfrytëzoi për qëllime të ngushta të Ramës mosmarrëveshjet e minatorëve me qeverinë, për t'i futur ata në grevë urie. Spiropali e ka orientuar fondacionin e saj drejt të rinjve, duke mbështetur FRESH-in që drejtohet prej saj.

Fuga, Këshilltar i Ramës, ish-drejtues i MJAFT

Fuga njihet si njeriu që qëndron gjithnjë nën xhaketën e Kryetarit. Nuk i ndahet atij për asnjë moment. Deputetë me emër dhe kontribute në PS si Gramoz Ruçi bëjnë si legena përpara tij duke iu jargavitur dhe servilosur. I famshëm, rasti kur Fuga i mbylli gojën para Kuvendit me shirit të zi.

Xhaçka, Kreyatare e Gruas, ish drjejtuese e MJAFT

Xhaçka është një tjetër emër që ka marrë drejtimin e gruas pasi më parë ka qenë një nga drejtueset e organizatës MJAFT. Edhe zgjedhja e saj sikurse të gjitha zgjedhjet e tjera u bë me urdhër të Ramës. Nuk ka pasur asnjë kontribut më parë në PS dhe ka spostuar emra të njohur të zonjave në PS.

Mazniku, nga MJFT në anëtar i Këshillit Bashkiak Tiranë

Arbër Mazniku është një tjetër eksponent i Partisë Socialiste njëherazi anëtar në Këshillin Bashkiak të Tiranës, i cili zotëron një organizatë jofitimprurëse, për interesa të kreut të Partisë Socialiste, Edi Rama. Ballkan Youth Link - Albania "BYL-A" (e famshme për ritualin e përvitshëm të meshkujve që vishen si femra), e drejtuar nga Mazniku, një nga njerëzit më të besuar të Veliajt dhe Ramës, raporton në organizatat simotra të saj për diskriminime shoqërore në vendin tonë.

Çuçi, anëtar i Asamblesë PS-së drejton Shoqatën për Autonominë Vendore

Drejtori Ekzekutiv i Shoqatës për Autonominë Vendore, Bledar Çuçi, i cili është anëtar i Asamblesë Kombëtare të Partisë Socialiste, mbron si shoqëri civile, politikat e kryebashkiakëve të opozitës. Shoqata e Bashkive Vendore reagon sa herë që bashkitë e majta duhet të zbatojnë ligjin dhe nuk lihen të lirë që ta shkelin atë.

Shamku, deputete e PS drejton në mënyrë të tërthortë Organizatën "Rinia Aktive"

Organizata "Rinia Aktive", vegël e deputetes socialiste Ledi Shamku, nxiti studentët fitues të Vlorës për t'u futur në grevë urie. Kjo organizatë, që në njoftimet për shtyp nuk e ka bërë me dije emrin e atij që e drejton, është kthyer në një organizatë politike.

Tare, deputet i PS, drejton Qendrën Shqiptare për Kërkimet Detare Qendra Shqiptare e Kërkimeve Detare është një OJF e specializuar në kërkimet dhe ekspeditat arkeologjike nënujore. Kjo qendër qarkullon shuma të mëdha parash përmes ekspeditave në turizmin arkologjik. Kërkimet që bën Qendra Shqiptare e Kërkimeve Detare janë kërkime matematikore, pra, duke kontrolluar çdo metër të hapësirës ujore me teknologji të lartë. Ikonomi, dhe Xoxe

Instituti "AGENDA", i themeluar nga Milva Ikonomi dhe Ajola Xoxe, bashkëshortja e Erion Velisë, një nga eksponentët e larta të FRESH, është një nga OJF-të që Rama përdor për të deformuar imazhin e Shqipërisë në barazinë gjinore në punë. Ky institut thith projekte nga organizata civile europiane, për të sensibilizuar shoqërinë shqiptare për barazinë gjinore në punë. Ky institut përveçse mbush xhepat e drejtuesve të tij me shuma marramendëse, jep vlerësime tek partnerët e saj në Europë lidhur me barazinë gjinore në punë. Ikonomi dhe Xoxe, publikojnë sondazhe gjysmake për të larguar Shqipërinë nga arritja e standardeve europiane në këtë fushë.

Hysi, deputete e PS ka drejtuar Komitetin Shqiptar të Helsinkit..

Deputetja e Qarkut të Tiranës, Vasilika Hysi, është një nga arkitektet e raporteve anti-zgjedhje që i shpëtuan Ramës postin e kryetarit të PS-së. Hysi ka drejtuar për shumë vite ligjërisht Komitetin Shqiptar të Helsinkit, i cili mbron të drejtat e njeriut, gjithashtu ka qenë hartuesja e kontestimeve të PS-së për zgjedhjet e fundit. Shpifjet në një raport dërguar në Bruksel nga Komiteti Shqiptar i Helsinkit, të drejtuar në mënyrë të tërthortë nga deputetja Hysi, dhanë para Brukselit një imazh të zymtë për zgjedhjet më të mira që ishin zhvilluar ndonjëherë në Shqipëri.

Bushati, deputet, drejton Shoqatën për Integrim Për të nxirë imazhin e Shqipërisë në sytë e Europës, Rama përdori deputetin Ditmir Bushati dhe djalin e ish-anëtares së Kryesisë të Partisë Socialiste, Sajmira Gjipali (Pino), Gledis Gjipali. Me anë të një raporti të dërguar në Bruksel, deputeti Bushati dhe djali i anëtares së Kryesisë të PS-së, Gjipali, që drejtojnë Shoqatën për Integrim, i kanë bërë thirrje BE-së, që të ngrijë negociatat integruese me Shqipërinë.[strike]