Uji, jo më një mungesë në 95 përqind të vendit

Shqipëria duhet të adaptojë disiplinën dhe parametrat gjermane, në menaxhimin e ujërave". Kështu u shpreh kreu i qeverisë, Sali Berisha gjatë ceremonisë së inaugurimit të përfundimit të punimeve për fazën e parë "Furnizimi me ujë të pijshëm" për qytetet e Beratit dhe Kuçovës. Duke e konsideruar projektin të një rëndësie themelore për banorët e këtyre zonave, Kryeministri Berisha i shprehu mirënjohjen Komisionit Evropian, i cili ra dakord për të zgjedhur "KFW" si kompani drejtuese në këtë proces. "Thirrja ime për autoritetet vendore është kjo. 'Mënyra më e mirë për t'i shprehur mirënjohjen taksapaguesve gjermanë është të adoptojmë disiplinën dhe parametrat gjermane, në menaxhimin e ujërave dhe kjo është pa diskutim mënyra më e mirë për t'i shprehur mirënjohjen ndaj tyre. I jam mirënjohës gjithashtu Komisionit Evropian pasi ranë dakord për të zgjedhur KFW si kompani drejtuese në këtë proces. Ky projekt për këtë rajon është i një rëndësie themelore", tha shefi i qeverisë. Duke u ndalur tek historia e kësaj zone, kreu i ekzekutivit u shpreh se historia thotë se ky qytet është 2500-vjeçar, por nëse kthehemi pas në kohë, do të gjejmë gjurmë 3000 vjet më të hershme. Kryeministri Berisha u ndal tek ruajtja e librit "Kodiku i Purpurtë i Beratit", i cili është trashëgimi botërore dhe u ruajt në arkivat e familjes dhe u përçua gjeneratë pas gjenerate. "Ky vend është një vend i përjetshëm. Historia thotë se është 2500-vjeçar, por nëse kthehemi pas në kohë, do të gjejmë gjurmë 3000 vjet më të hershme. Ky vend është shumë i veçantë në trashëgiminë e vet kulturore. Por një nga gjërat e shquara të këtij vendi është mënyra se si qytetarët e këtij vendi ruajtën jo vetëm qytetin e tyre, por edhe librin. Njëri nga librat është trashëgimi kulturore botërore. Vjen nga shekulli i 6 dhe nuk u ruajt nëpër arkiva, por në arkivat e familjes dhe u përçua gjeneratë pas gjenerate, deri ditët e sotme. Dhe ky është 'Kodiku i Purpurtë i Beratit', që sot është trashëgimi botërore. E theksova këtë, sepse dëshiroj që taksapaguesit gjermanë të dinë se ku po investojnë.