Kryeministri fton qytetarët të bashkëpunojnë me strukturat e PD rreth problematikave në komunitete

8 maji, zgjedhje për qytetarët, jo për kolltukun e Edvin Ramës

Mazhoranca është e angazhuar për t'ia përkushtuar fushatën elektorale të 8 majit interesave të qytetarëve, fëmijëve e komuniteteve të tyre në të gjithë vendin. Nga Fieri, ku dhe mori pjesë në inaugurimin e disa veprave publike të rëndësishme, kryeministri Berisha kërkoi nga qytetarët shqiptarë të bashkëpunojë me strukturat drejtuese të PD-së nëpër zonat e tyre për të diskutuar rreth problematikave në komunitetet e tyre. "Ju garantoj se mbështetja e maxhorancës për vitet që vijnë, do të jetë shumë më e madhe, se me ju qeveritarë vendore, ne do të ndërtojmë Shqipërinë Evropiane, shtëpinë më të bukur që meritojmë ne vete dhe fëmijët tanë. Ne po ecim drejt një zhvillimi të ri, drejt zgjedhjeve të ardhshme të 8 Majit. Këto zgjedhje janë provë e madhe e qëndrimit tonë, e respektit tonë ndaj lirive tona. Këto zgjedhje janë provë e madhe e qëndrimit tonë ndaj interesave tona. Mazhoranca aktuale ka vendosur që këto zgjedhje, këtë fushatë tua përkushtojë totalisht ju dhe vetëm ju, interesave truaja dhe të fëmijëve e komuniteteve tuaja. Ne jemi të vendosur të dëgjojmë zërin tuaj, të dëgjojmë hallet dhe dertet tuaja, preokupimet dhe interesat tuaja dhe ju garantoj se të gjitha projektet sikundër deri më sot , që i kemi shndërruar në realitete do ti shndërrojmë në realitete edhe katër vitet që vijnë. Kjo është alternativa jonë, alternativa e vlerave , politika bazuar në vlera. Për ne, vlerë jeni ju, janë familjet tuaja, janë fëmijët tuaj, vlera më e çmuar. Për ne vlerë e madhe është liria juaj, është përpjekja juaj për të ndërtuar një jetë më të mirë" u shpreh Berisha. Duke dënuar politikën e mohimit të ndjekur nga kryesocialisti Rama,kryeministri Berisha rikujtoi për opinionin publik qëndrimet kundër të Partisë Socialiste me liberalizimin e vizave, anëtarësimin në NATO si dhe thirrjet e ndërkombëtarëve për kufizimin e imunitetit. Në këtë kontekst Berisha ka akuzuar Edi Ramën se e ka kthyer Partinë Socialiste në një SHPK deputetësh. "Në traditën e tyre të mohimit edhe këtu gjetën forcë dhe kurajën ta kundërshtonin. Kundërshtuan siç e dini ju me të gjitha format dhe të gjitha forcat, heqjen e vizave, kundërshtuan me të gjitha format dhe forcat reformën në drejtësi, kundërshtuan në mënyrën më absurde heqjen e imunitetit për deputetët, sepse nuk e heqin dot, ata janë SHPK, ata nuk janë deputete dhe keni të drejtë, ne kemi respekt për SHPK që punojnë , por jo për SHPK e parlamentit" u shpreh Berisha. Duke e konsideruar qëndrimin e Partisë Socialiste vazhdimin e politikës së shkatërrimit. kryeministri Berisha garantoi qytetarët shqiptarë se 8 maji do të jetë dita e ndarjes nga karrigia e pushtetit. Kjo sipas Berishës do të vijës pasi nuk mund të ketë karrige me politikën e mashtrimit, praktikë kjo e ndjekur prej vitesh nga kryesocialisti Rama. "Unë ju garantoj ju se kjo alternativë do të jetë alternativë e gjithsecilit prej jush, paralel me këtë alternative është politika e shkatërrimit, është politika e mohimit, është politika e mashtrimit, është politika, e cila sillet si një hije. 20 vite me radhë në trojet e këtij vendi. Në rast se ju keni zgjuar sërish kjo politikë shpall se këto zgjedhje janë politike, këto nuk janë zgjedhje për ju, këto nuk janë zgjedhje për qytetarin, por janë zgjedhje sipas tyre, për beteja destruktive fantazmagorike. Çfarë duan të thonë me këtë zotërinj apo shokët socialistë?! Duan t'ju thonë juve shqiptarëve se zgjedhjet nuk janë për ju, nuk janë për fëmijët tuja, nuk janë për shkollat e fëmijëve tuaj, nuk janë për infrastrukturën e fshatrave tuaj apo qyteteve tuaja, por zgjedhjet janë për karrigen e kryetarit. Karrige të cilën e vërteta është mesa duket se do ti duhet shumë kohë të presë , se do të humbasë dhe këtë që ka në Bashkinë e Tiranës, dhe do të rrije pa karrige për një periudhe shumë të gjatë. Natyrisht nuk mund të ketë karrige me politikën e mashtrimit, nuk mund të ketë karrige me politiken e mohimit nuk mund të ketë karrige me politiken e shkatërrimit. Këto ditë në 20 vjetorin e rënies së diktaturës, mazhoranca vendosi të amnistojë bizneset, të cilat janë gjeneratori kryesorë i mirëqenies, i punësimit i zhvillimit" u shpreh Berisha.