OSBE: PS, sjellje papjekurie- po pengon integrimin e Shqipërisë në BE

Ngërçi politik që ka mbërthyer vendin prej më shumë se 2 vitesh e ka penguar integrimin e Shqipërisë në strukturat e Bashkimit Europian. Kjo sjellje e klasës politike, e specifikisht e opozitës, është një dëm i madh që po i bëhet vendit, prandaj të gjithë duhet t’u përmbahemi rregullave të demokracisë. Ky është qëndrimi i zv/presidentit të OSBE në Shqipëri, Volfgang Grossruck, i shprehur nga qyteti i Shkodrës. Duke shmangur atakimin e tij në jetën politike, ai kërkon që të gjithë të ndjekim rregullat e qarta që na i dikton demokracia. “Këtë nuk e besoj por është e vërtetë, pasi njoh rregullat dhe raportimet e Komisionit Europian. Raporti i të cilave mendoj nuk janë objektiv pasi Shqipëria ka bërë hap pozitiv, por megjithatë për momentin e kanë bllokuar punën e Shqipërisë në organizmat e tjerë të Bashkimit Evropian. Në të vërtetë, është një dëm i madh që po i bëhet vendit tuaj të bukur për zhvillimet pozitive të këtij vendi, të apelojnë të gjithë pjesëmarrësit që t’u përmbahen rregullave demokratike. Pa dashur të involvohem në jetën politike të Shqipërisë, këshilla dhe rregulla që u them te gjithëve, është se demokracia ka rregullat e veta të cilat duhet t’i ndjekim të gjithë. Për mua, Shqipëria është një demokraci e konsoliduar, por që të gjithë duhet të ndjekin këto rregulla dhe të jenë lojtarë”, u shpreh ai. Opsioni i zgjedhjeve të parakohshme për Grossruck, shihet i përjashtuar pasi sipas tij vendi i mbajti zgjedhjet në 2009 dhe ato u çertifikuan nga OSBE, vit në të cilin ai vetë ishte kryetar. “Kjo nuk është zgjidhje. Në vitin 2009, pati zgjedhje dhe unë kam qenë atëherë në krye të OSBE-së, ku kam punuar me njerëz të shkëlqyer. Konkluzionet e këtyre raporteve i keni. Ka shumë punë për t’u bërë, por ishim të kënaqur me ato zgjedhje në përgjithësi, megjithëse pati problem në fushatën zgjedhore. Të gjitha institucionet pjesëmarrëse dha në konkluzionin se ishin zgjedhje të rregullta dhe të sakta. Është një shenjë e pjekurisë politike që edhe opozita të marrë pjesë në zgjedhje”, thekson përfaqësuesi i OSBE-së. Ai shkon më tej kur flet për situatën aktuale politike. “Të bësh politiken në rrugë, dëmton imazhin e të gjithëve pa përjashtim, prandaj në një shoqëri të civilizuar diskutimet bëhen në parlament”, thotë Grossruck. “Jo vetëm për mua si person, por në të gjithë Evropën nuk ka njerëz apo struktura që janë dakord që njerëzit të dalin të demonstrojnë në rrugë. Në një shoqëri të civilizuar diskutimet duhet të bëhen në parlament, në organet kushtetuese të këtij vendi. Kjo nuk do të thotë që njerëzit nuk kanë të drejtë të demonstrojnë pasi kjo është një princip i demokracisë, por që të mendosh që të besh politiken në rrugë dëmton imazhin e vendit dhe jo vetëm të qeverisë, por të të gjithë njerëzve. Ju e dini që situata e krijuar ka bllokuar të gjitha marrëveshjet me Komisionin Evropian. Është e qartë që pas 40 vitesh diktaturë me regjimin e Hoxhës, pas kësaj periudhe të ndodhin menjëherë mrekullira dhe të pranojmë të gjitha rregullat e vlerat e demokracisë, por nuk ka rrugë tjetër për të arritur vlera të komunitetit Europian. Ky nuk është vetëm një vlerësim i imi, por i të gjithë politikaneve evropianë”, përfundoi Grossruck. Ndërsa lidhur me zgjedhjet vendore të 8 Majit, zv presidenti i OSBE duke mos parashikuar për muajt në vijim të cilat sipas tij mund te kenë zhvillime të reja, thekson se opozitës nuk i mbetet gjë tjetër veç pjesëmarrja në këtë proces, pasi këtë e kërkojnë të gjitha institucionet ndërkombëtare dhe mbi te gjitha demokracia e një vendi. Në këtë pikë, Grossruck e sheh të konsoliduar demokracinë e Shqipërisë