Gay City New": Rama hap ekspozitë në lagjen homoseksuale të NewYorkut

"Gay City New": Rama hap ekspozitë në lagjen homoseksuale të NewYorkut

BEQIR SINA, NewYork

Një nga të përditëshmet e qytetit të Nju Jorkut, "Gay City New", organi kryesor mediatik, më i njohur për grupin e homoseksualëvë dhe transeksualëve, në NewYork City, shkruan se në njërën prej lagjeve më të mëdha dhe më të vjetra ku jeton ky komunitet, Lowr East Side, në sallën, "E-flux reading room" në Manhattan, Nju Jork, u prezantua libri me vizatime i kryetarit të Bashkisë së Tiranës, Edi Rama, i përgatitur për botim nga miku i tij, Anri Sala dhe i hedhur në qarkullim në fillim të vitit 2009. Në këtë promovim sipas "Gay City New", thuhet se kanë marrë pjesë edhe përfaqësues nga Dhoma e Përfaqësuesve të Lesbians Gay Bisexuals, Transexuals, një shoqatë kjo më e madhja në botë, me bazë në Nju Jork, shoqatë që merret me mbrojtjen e të drejtave të komunitetit të saj ku bëjnë pjesë lezbike, homoseksualë, biseksualë dhe trans-seksualë. Zona ku është zhvilluar promovimi i librit të kryetarit të Bashkisë së Tiranës njihet në Nju Jork, si një ndër zonat më "të nxehta" të këtij komuniteti, pasi teatrot, kinematë, restorantet dhe shitoret frekuentohen më shumë nga çiftet e të njëjtit seks. Prezantimi i librit në pjesën e poshtme lindore të qytetit, në sallën "E-flux reading room" në Manhattan, Nju Jork, është shoqëruar nga një bisedë me Anri Salën, artist shqiptar që jeton në Berlin, por që zhvillon në udhëtimet e tij në shumë vende të botës prezantime dhe promovime. Gjatë këtij promovimi thuhet se është shfaqur edhe videoja e Anri Salës, me titull: "Dammi i Colori", 2003, e cila është një refleksion për projektin e fasadave, të ndërtesave në Tiranë ose siç njihet ndryshe, një aksion sa artistik aq edhe politik që kryetari aktual i Bashkisë së Tiranës nisi në fillimet e mandatit të tij të parë dhe vazhdoi për disa vite duke angazhuar artistë shqiptarë dhe nga bota, pjesëmarrës së Bienalen e Tiranës të kësaj vjeshte. Salla "E-flux reading room" është e dalluar dhe njihet në të gjithë botën, për prezantimin dhe promovimin e veprave të artit të komunitetit LGBT (lezbike, gay, biseksualë, trans-seksualë), duke përfshirë me mijëra libra për artin bashkëkohor, të cilat i prezantohen publikut njujorkez në Lower East Side. Këto vepra janë dhuruar nga shumë institucione të artit dhe nga individë nga të katër anët e botës, të cilët paraqesin interes për këtë komunitet apo janë pjesë e tij. Në këto vepra paraqiten zhvillime interesante të artit në dekadën e fundit. Ky afrimitet i kryetarit të Bashkisë së Tiranës njëkohësisht edhe kryetar i PS-së me këtë komunitet nuk është një suprizë.

On December 9th, Hu Fang will discuss his recent novel, Garden of Mirrored Flowers, and on December 15th, Anri Sala will present a new book of drawings by Edi Rama, the Mayor of Tirana.