Mos i servirni dokrra Shkodres"
E Enjte, 14 Janar 2010
Kryeministri Sali Berisha, sulmoi dje nga Shkodra opoziten se po ben nje "sherr budalla", me situaten e permbytjeve. Ne mbledhjen e qeverise, te organizuar ne kushte te vecanta ne qytetin e Shkodres, pikerisht ne seline e bashkise se ketij qyteti, kreu i qeverise i kerkoi opozites me pak fjale, te mos flase kot, pasi shkodranet per te kane nje pergjigje. "Mos i servirni Shkodres, dokrra. Jeni "sherr budalla", per akuzat e ngritura per shkeljen e rregullores ne hapjen e portave te digave", akuzoi Berisha. Sipas tij, Shkodra ka nje shpirt te pamposhtur dhe thelbi i shpirtit te saj, qendron ne nje raport te vetem dhe kryesor te njeriut te qyteteruar dhe ky eshte raporti me te verteten. "Ata qe duan t'i servirin Shkodres trillime dhe mashtrime, duhet ta dine se qyteti ka nje epitet per ta: "sherr budalla". Ata qe bejne "sherr budallain" duke i thene Shkodres, se qeveria e rezervoi ujin per ta shitur me cmim me te shtrenjte ne janar, ata bejne vetem "sherr budallen" dhe kete thone ata e bene sepse ERE rriti cmimin",-tha kryeministri. Sipas tij e verteta eshte qe ERE rriti cmimin nga 17 leke te vjetra ne 22 leke te vjetra, ne nje kohe kur ne cdo ore, ne cdo dite te tetorit, te nentorit, te dhjetorit, qeveria dhe KESH mund ta shisnin energjine me se paku 45 leke deri ne 50 leke te vjetra. Ndaj ai u beri thirrje te gjithe banoreve te ketij qyteti, te mos degjojne opozites, qe sipas kryeministrit as simitet e saj te shperndara nuk u pranuan. Duke pergezuar kabinetin e tij, pushtetin vendor dhe te gjithe ata qe i erdhen ne ndihme kesaj situate, kryeministri Berisha, tha se ky ishte operacioni me i suksesshem ne historine e vendit dhe se qeveria e tij deshmoi shkallen se pari te moralit te tij, i cili vendos qytetarin dhe jeten e tij te paren, deshmoi shkallen e organizimit, shpirtin e sakrifices. Sipas tij, nje situate e tille e motit, e shirave dhe permbytjeve, perseritet me rralle se 1 here ne 100 vite. Dhe ne keto kushte, qeveria qe ai drejton e perballoi me sukses.
