Takimi me Fazlliç apo biseda për shit-blerje energjie, fund e krye trillim i ulët i gazetës dizinformuese

Takimi me Fazlliç apo biseda për shit-blerje energjie, fund e krye trillim i ulët i gazetës dizinformuese”
14-01-2010 / Takimi me Fazlliç apo biseda për shit-blerje energjie, fund e krye trillim i ulët i gazetës dizinformuese”

Shkëlzen Berisha reagon ndaj shpifjeve të radhës të medias së kontrolluar nga Edvin Rama

Shkëlzen Berisha ka hedhur poshtë akuzat e artikuluara në një media që shërben si shtojcë e interesave të Edi Ramës, duke i vlerësuar ato si shpifje të ulëta që janë vijim i skenarëve trilluese të gazetës dhe artikull shkruesit. Duke reaguar, Shkëlzen Berisha i apelon botuesit të kësaj gazete, që të provojë shpifjet ose në të kundërt të kërkojnë falje publike për mashtrimin e radhës që i ka servirur opinionit publik.
“Në kryeartikullin e saj të datës 14 Janar 2010 një e përditshme e njohur si gazetë shpifjesh, botoi gënjeshtrën e radhës ku dizinformohej opinioni mbi një takim timin me z. Damir Fazlliç të zhvilluar në datë 4 Janar dhe të fiksuar në kamerat e sigurisë të një restoranti në Tiranë, e ku tema e takimit ka pasur lidhje me shitjen e energjisë!
Duke mos dashur t’ju humbas asnjë sekondë lexuesve mbi arsyet politike dhe financiare që shtyjnë z. Koço Kokëdhima për të botuar shpifjen e radhës ndaj personit tim dëshiroj t’i bëj me dije opinionit se unë nuk kam diskutuar kurrë, asnjëherë dhe me askënd çështje të shit - blerjes së energjisë elektrike!
Për më tepër takimi i supozuar midis meje dhe z.Fazlliç në datën 4 Janar është gjithashtu, fund e krye, një trillim i ulët i artikullshkruesit!
Në pamundësi për të hedhur në gjyq gazetën në fjalë, në respekt të një angazhimi familjar për të mos ngritur padi penale e civile kundër medias, e ftoj z. Kokëdhima apo këdo tjetër që të provojë shpifjet në fjale ose të kërkojë falje publike për mashtrimin e radhës!”, përfundon reagimin e tij, Shkëlzen Berisha.