Selia rozë është kthyer ditët e fundit në një strofkë kukuvajkash që ndjellin kob e zi

Selia rozë është kthyer ditët e fundit në një strofkë kukuvajkash që ndjellin kob e zi

Maskarada-Rama, pas pushimeve në Dubai bën moral për përmbytjet

I sapokthyer nga pushimet e tejzgjatura në resortet më luksoze dhe hotelet më të shtrenjta të globit, kryetari i Partisë Socialiste, ka nxituar të marrë kryesimin e aksionit të turpshëm për politizimin e fatkeqësisë natyrore të përmbytjes së disa zonave në Qarkun e Shkodrës dhe Lezhës. Deri dje, Rama për shkak të angazhimeve serioze me pushime në ujërat e nxehta të plazheve të Dubait ua kishte besuar këtë mision zëdhënësve të tij, të cilët nga selia e partisë kryesore të opozitës lëshonin deklarata nga më të çuditshmet që varionin nga akuzat ndaj qeverisë për reshjet e dendura që përfshinë vendin e deri te thirrjet kobëzeza ndaj banorëve që të mos pranonin planin e qeverisë për evakuim me shpresën se do të realizohej dëshira e shumëpritur e monstrës që drejton PS për humbje në jetë njerëzore. Me rikthimin e Ramës, strategjia e urrejtjes ndaj banorëve të kësaj zone ka kaluar çdo kufi që mund të imagjinohej. Duke angazhuar veglat e tij mediatike dhe politike, Rama lançoi fushatën e përhapjes së panikut tek qytetarët e Shkodrës dhe më gjerë, duke bërë telefonata kërcënuese e destabilizisuese për rrezik çarje digash e përmbytje masive. Ana pozitive e medaljes në këtë rast është se deklarata të tilla janë vetëm pjesë e imagjinatës së sëmurë të skizofrenit në krye të PS-së dhe nuk kanë asnjë bazë reale, ndërsa ana pesimiste e saj është ajo që lidhet me faktin, se sa larg mund të shkojë një njeri pa asnjë ndjesi njerëzore e morale në përpëlitjet për arritjen e qëllimeve individuale. Mjafton këtu të kujtojmë thirrjet e zëdhënësve të Ramës drejtuar banorëve për të mos pranuar evakuimin, thirrje që synonin përmbushjen e urimeve ogurzeza të kryetarit të PS-së për të patur humbje në jetë njerëzore, të cilat janë ushqimi i vetëm politik i përbindëshit pa asnjë alternativë tjetër që drejton partinë kryesore të opozitës. Tashmë kur ky mallkim i kobshëm duket i parealizueshëm për shkak të angazhimit maksimal të qeverisë për evakuimin e banorëve të rrezikuar, Rama u shfaq dje në selinë e PS-së në një përpjekje qesharake dhe hipokrite për t`u paraqitur para shqiptarëve si njeriu më i preokupuar për situatën e rëndë të banorëve të zonave të prekura nga përmbytjet, në një kohë që nuk mori mundimin as të ndërpresë pushimet në plazhet më të shtrenjta të planetit. Rama shfaqet papritur në selinë rozë pas dy javë pushimesh me një masakaradë të paprecedentë, a thua se shqiptarët janë njerëz pa memorie që të harrojnë se ai vazhdonte pushimet pa asnjë kokëçarje në një kohë kur një pjesë e bashkëqytetarëve të tij po kalonin momente të vështira për shkak të kushteve të rënda atmosferike. Por sikur të mos mjaftonte kjo shkallë e lartë papërgjegjshmërie dhe arrogance, kryetari i opozitës nuk ka nguruar që të nxitojë fillimisht nëpërmjet SMS-ve dhe tashmë nëpërmjet daljeve publike në selinë rozë që ta përdorë këtë situatë për qëllimet e tij personale, njëlloj siç ka bërë edhe më parë me tragjeditë njerëzore. Mjafton të kujtojmë këtu tragjedinë e Gërdecit apo aksidentin e të ndjerit Kosta Trebicka, të cilat u përdorën në mënyrën më të turpshme nga Rama për interesa të ulëta. Në kushte të ngjashme çdo kryetar opozite do të kishte ndërprerë në mënyrë të menjëhershme pushimet për t'iu gjendur pranë qoftë edhe moralisht bashkëqytetarëve të tij, por kjo nuk mund të pritet të ndodhë me Ramën, i cili ka dëshmuar më shumë se një herë, se nuk mund të flitet për humanizëm. Ai thjeshtë kërkon të shfrytëzojë qytetarët e prekur nga fatkeqësitë për të arritur qëllimet e tij personale. Selia rozë është kthyer ditët e fundit në një strofkë kukuvajkash që ndjellin kob e zi dhe që urojnë orë e çast për një situatë edhe më të rëndë të përmbytjeve në veri të vendit, për të pasuruar politikën sahariane të opozitës.