Kryetari me korrespondencë i Tiranës vazhdon zanatin e vjetër të bojaxhiut1

Kryetari me korrespondencë i Tiranës vazhdon zanatin e vjetër të bojaxhiut1>
(06.08.2008)
Kryeministri Sali Berisha ka deklaruar dje se institucioni i Bashkisë së Tiranës po i mashtron qytetarët, duke i paraqitur për të reja shkollat e vjetra të llangosura me bojë, gënjeshtra që shpallen nga paniku i Edvinit prej dështimit të pritshëm elektoral, në kryeqytet e në të gjithë Shqipërinë


Kryeministri Sali Berisha ka akuzuar dje kryebashkiakun Edi Rama, për mashtrime në investimet e pakta që ka realizuar në Tiranë. Sipas kreut të qeverisë Berisha, kryetari me korrespondencë i Bashkisë së Tiranës, Edi Rama, ska dorëzuar me shumë tre shkolla, ndërkohë që janë 2.2 miliardë lekë kredi e marrë nga qeveria shqiptare për shkollat e Tiranës, dhe se ai po përpiqet që t’ua shesë për të reja shkollat e vjetra që i bojatisë me bojrat që preferon vetë. “Janë 2.2 miliardë lekë kredi e marrë nga qeveria shqiptare për shkollat e Tiranës, kurse kryetari i bashkisë me korrespondencë akoma s’ka dorëzuar me shumë se tre të tilla dhe përpiqet t’ua shesë për të reja shkollat e vjetra që i bojatisë me bojrat që preferon vetë”, tha Berisha. Kryeministri Berisha, nga Bregu i Lumit, ku kreu inaugurimin i një ujësjellësi, përsëriti togfjalëshin ndaj homologut partiak, duke e quajtur sërish kryetar me korrespondence. Përpos pjesës ironike, Kryeministri premtoi se pas projektit të kanalizimeve në Bregun e Lumit do të kryhen investime të tjera të rëndësishme. Berisha deklaroi se gjatë tre viteve të qeverisjes së demokratëve, për kryeqytetin janë siguruar 240 milionë dollarë financime. Sipas tij, Tirana do të mbetet epiqendra e investimeve të qeverise që ai drejton. Kësisoj, investimet në Tiranë kanë qenë objekt i shkëmbimit të replikave të rënda në distancë mes kryeministrit Berisha dhe kreut të bashkisë Edi Rama. Kryeministri shtoi se qeveria ka investuar 20 miliardë lekë për investime në ujësjellësa dhe shkollat e kryeqytetit: Nga të cilat 9 miliaradë lekë kredia qe qeveria arriti të sigurojë nga qeveria japoneze per kanalizimet e Tiranës; jan 2,2 miliardë lekë të investuara gjatë këtyre dy viteve në ujësjellës dhe kanalizime nga buxheti i shtetit. Ndërkaq, që nga ana tjetër ka reaguar edhe kreu i Bashkisë së Tiranës, Edi Rama. Ndërsa përuronte nisjen e punimeve për asfaltimin e rrugëve dytësore në Tiranë, konkretisht punimet e rrugës Sadik Petrela, Rama i kërkoi Berishës të mos flasë nga periferia por të shohë se ku qëndrojnë problemet e vërteta të Tiranës. “Besoj se sot duhet të ishte rasti që kryeministri të ishte këtu dhe të mos fluturisej pas një kanali të ujrave te zeza, sepse i gjori njeri mbeti duke shkuar pas komunave e bashkive për të marrë një punë mbi vete sepse punët qeveritare, po i shikoni të gjithë se si po shkojnë. E ka marrë “ferra uratën” e kësaj qeverie. Nën sloganin “Sistemim dhe asfaltim” kryetari i bashkisë premton rikonstruksionin e 62 rrugicave, brenda blloqeve të banimit. Vendorët do të shpenzojnë mbi 188 milionë lekë dhe rikonstruksioni do të përfshijë të 11 njësitë bashkiake.