Kur minoritetet diktojnë politikat kombëtare1>

Newballkan Numri i postimeve : 651 Join date : 28/02/2008

Kur minoritetet diktojnë politikat kombëtare1>
(01.08.2008)
Duke mos bërë orakullin kobndjellës, jam i detyruar të pranoj se në çastet më kritike të ekzistencës dhe mbijetesës sonë, për fatet tona shpesh kanë vendosur joshqiptarët. Më së shumti kanë vendosur të huajt, në formën e perandorive pushtuese shekullore, pushtuesve të përkohshëm, kanë vendosur fqinjët dhe sidomos minoritetet e trashëguara prej tyre, apo të lëna pas si mbeturina nga pushtuesit

Duke mos bërë orakullin kobndjellës, jam i detyruar të pranoj se në çastet më kritike të ekzistencës dhe mbijetesës sonë, për fatet tona shpesh kanë vendosur joshqiptarët. Më së shumti kanë vendosur të huajt, në formën e perandorive pushtuese shekullore, pushtuesve të përkohshëm, kanë vendosur fqinjët dhe sidomos minoritetet e trashëguara prej tyre, apo të lëna pas si mbeturina nga pushtuesit. Pavarësisht me duart e kujt, ata kanë vendosur për fatet tona, sërish kur bëjmë fjalë për vendimmarrje të tyre, kemi parasysh se cilët qëndrojnë pas zhvillimeve të diktuara, bashkë me interesat... Dhe nuk kemi parasysh dorarët-vegla, që mund të kenë qenë shqipfolës apo shqiptarë prej gjaku. Në Kosovë pavarësia u shpall vetëm e vetëm që serbët e Mitrovicës të shpalleshin të pavarur nga Prishtina dhe Plani Ahtisari më së shumti përmbante dispozita që favorizonin serbët, sesa të drejta që buronin nga parimi i vetëvendosjes së shqiptarëve në shtetin e tyre të pavarur nga dreqi e di se kush, por jo nga UNMIK-u i OKB, Eulex-i i BE dhe Rezoluta 1244. Sidomos nga kjo e fundit, e cila pavarësisht se është thënë e trumbetuar se është ezauruar dhe kapërcyer, përdoret nga Ban Ki Mun për të qetësuar serbët kur ata nxehen dhe i kërkojnë llogari për ristrukturimin e UNMIK-ut pa pjesëmarrjen dhe kontributet e tyre!!? Arratisja pa lënë gjurmë e Tanushit, (që nuk arriti të bëhej “Tanush Topi-a”, por që pavarësisht nga origjina jo prej “opinge”, u transformua në Tano ush-i i vallue me hosten nga minoritarët dhe në interes të tyre), ishte dhe mbeti akti më i shëmtuar... Athua se ky mjeran u përdor si kamikaxe që u bë copash bashkë me “bombën” që shpërtheu, e fitilin e së cilës e mbanin Vangjel Dulejmani, Cil Bollanua e Harallamb Karathanua me shokë.
Por Tanushi nuk u arratis pa lënë pas gërmadhat e një rrëmuje që ka përfshirë të gjitha mediat dhe qarqet akademike e politike. Dhe po të përdorim një metaforë të Gjinushit, (që çuditërisht hesht, pavarësisht se mbahet medemek akademik), “fitili” i mbeti në dorë minoritarëve që na plasën bumjen dhe na e rrëzuan emrin e Ismail Qemalit nga ballina e Universitetit të Vlorës, apo thënë ndryshe, nëse i referohemi licencës së kërkuar me presion nga Dulejmani i PBDNJ-së, e rrëzuan nga ballina e të mbeturit “Vlora University”. Tashmë edhe tabelat rrugore në Jug të atdheut na i shkruajnë minoritarët nëpër punishtet përtej kufirit; edhe emrat e qyteteve na i shkruajnë nëpër to me alfabet cirilik dhe të greqizuar për nga shqiptimi; edhe numrin e shqiptarëve “minoritarë” në tokën e tyre, tokë të cilën po planifikojnë ta bëjnë “shtet multietnik”, e përcaktojnë po ata, pra minoritarët, por vetëm pasi më parë nxjerrin nja 3 milion minoritarë gjithfarësh; edhe ndarjen administrative të komunave na e bëjnë ata dhe lobingjet e tyre progreke; edhe draftin zgjedhor e diktojnë po ata, me qëllim që të bëhet sipas interesave të tyre dhe të mundësojë që 10 mijë minoritarët e mbetur të nxjerrin 3 ose 4 deputetë, ndërkohë që partitë nacionaliste të traditës historike mbeten ende të papërfaqësuara në parlament, pavarësisht se kanë mbi 100 mijë votues. Madje edhe politikat e punësimit na i bëjnë ata dhe ministrat e tyre..., edhe tekstet shkollore na i bëjnë ata dhe kulishët e tyre, duke e nxjerrë kufirin e Vorioepirit jo më në Korçë dhe Gjirokastër, por deri në Vlorë, si para 6 muajsh në tekstin e historisë që u kap në flagrancë dhe për të cilin na thuhet se “u retushua dhe u rregullua”. Pa përmendur këtu tekstet e shkollave të minoritetit, që i marrin të gatshme nga Greqia e të cilat nuk i kontrollon askush, e jo më të kontrollojë se çfarë u përrallis kundër Shqipërisë dhe shqiptarëve studentëve minoritarë Panajot Barka, nëpër leksionet që jep në degën për minoritarët të Universitetit “Eqerem Çabej”.
Por më e rënda nga të gjitha është tentativa për të na detyruar të biem në dashuri me serbët dhe popullin serb, njëherë duke na nxitur me para-honorare e çmime do kokëboshë tanët që të shkruajnë skenare e librete, sipas të cilave vajza shqiptare mitrovicare, motër e vëllezërve komandantë të UÇK të varë në luftë me serbët dhe e vajzave të përdhunuara nga paramilitarët serbë, na bie në dashuri me komandantin kryepërdhunues të paramilitarëve, si shenjë e dashurisë midis popujve!!! Pastaj na dalin do qafirë të tjerë, që miratojnë fonde të marra nga djersa dhe gjaku i taksapaguesve shqiptarë, nëpërmjet Qendrës Kinematografike, për t’ia dhënë shokut regjisor serb Goran Paskaljeviç për të krrerë një film poshtërues për shqiptarët!!! Tamam si ish ministri i Kulturës dhe aktualisht kryetari i Bashkisë së Tiranës, Edvin Rama, që i dha Goranit tjetër serb, Bregoviçit, bash para-shpërblime për koncertin... dhe bashkë me to edhe Çelësin e Artë të kryeqytetit, pas “pushkatimit” metaforik që Gorani-vëllamë serb u bëri shqiptarëve kuqo e trushkulur në sallën e TOB, duke ulërirë për gjysëm ore: “Kallashnikov, kallashnikov, pucaj, pucaj, pucaj...”, bash si miqtë e tij paramilitarë mbi shqiptarët e Kosovës... Dhe më e dhimbshmja është se piktor dhe drejtor i filmit në fjalë është caktuar një minoritar tjetër i Shqipërisë, njëfarë Genc Përmeti, teksa Paskaljeviçi e ka bërë fakt të kryer xhirimin e këtij filmi, të cilin po e reklamon në Lokarno të Zvicrës, ku është përzgjedhur edhe kryetar jurie i festivalit të përvitshëm të filmit që zhvillohet atje. Dhe më i habitshmi është fakti se qafirët mburren se druzhe Paskaljeviçi serb do t’i xhirojë skenat e filmit “në treva të thella shqiptare, ku banorët jetojnë në kufijtë e të pamundshmes për të jetuar...”!!? Hajde poshtërim hajde... Përse për shembull të mos na shkojë mendja se Genc Përmeti, ky ish-student vegël dhe votues minoritar i Edvin Ramës, të marrë edhe udhëzime nga Edvini, dhe paskëtaj të marrë për dore druzhe Paskaljeviçin e ta dërgojë në Val dhe Peshk të Martaneshit, ku Edvini para 3 muajsh pranoi se u tmerrua kur pa varfërinë dhe mësoi se fshati Val kishte dy vjet pa drita!
Ja pra, të tilla ambiente kërkon regjisori serb për të xhiruar, me qëllim që të na nxjerrë popull që jeton në kufijtë e kafshërisë, të moszhvillimit e të primitivizmit, tamam “popull me bisht”, sikurse deklaronin dhe shkruanin ideologët antishqiptarë të Serbisë, sikurse Vlladan Gjorgjeviç me shokë. Por meqenëse qenka shkruar dhe firmosur për t’u bërë kjo gjëmë e padëgjuar në kurriz të imazhit të shqiptarëve, të paktën minoritari vendimmarrës Genc Përmeti, ta dërgojë druzhe Paskaljeviçin tek barakat e Bregut të Lanës, ku banojnë romët të cilët i përzuri me rruspë Edvini, që të xhirohet një film alla-Kushturica, e që të shërbejë për të mallëngjyer donatorët e huaj për bëmat “në kufijtë e të pamundshmes”, të mëshirëmadhit Edvin... dhe gjendjen reale të komunitetit rom, që ata të financojnë ndonjë lek për këta të gjorë që jetojnë në varfëri dhe në kushte katastrofike. Por unë jam i bindur që minoritari Genc Përmeti dhe shefi i partisë së votuar nga minoritarët me ngjyrë të Shqipërisë, Edvin Rama, nuk do ta dërgojnë Goranin serb në Breg të Lumit apo në Breg të Lanës, por bash në Martanesh, për të poshtëruar malësorët e varfër shqiptarë të atyre viseve të harruara nga qeverisjet dhe pushtetet e Shqipërisë. Dhe unë jam i bindur se Paskaljeviçi, (që ka marrë instruksione të sakta nga Beogradi zyrtar për bijtë e atyre që në shekuj kanë luftuar dhe i kanë vrarë serbët për të mbrojtur lirinë dhe trojet e tyre), pasi të takojë edhe agjentët e Serbisë në këtë vend dhe t’u japë udhëzimet, do të shkojë me ngazëllim të poshtërojë armiqtë e Serbisë me anë të filmit të tij të investuar enkas për të nxirë imazhin e shqiptarëve. Mirë na e bëjnë... Kështu të del kur ligjin mbi shumicën autoktone e bëjnë minoritarët, për interesat e tyre dhe në dëm të shqiptarëve. Madje bash me paratë tona dhe me firmat e vulën e vendimmarrësve tanë...