Rruga e Shqipërisë drejt NATO-s nuk ka kthim mbrapa1

Rruga e Shqipërisë drejt NATO-s nuk ka kthim mbrapa1>
(01.08.2008)
Ministri i Mbrojtjes Gazmend Oketa ka rikonfirmuar dje vullnetin e qeverisë shqiptare për të intensifikuar kursin e reformave, që e shkurtojnë kohën e integrimit të plotë të vendit të NATO, përpjekje të cilat kanë mbështetjen e partnerëve kryesorë euroatlantikë


Qeveria shqiptare ka reaguar dje lidhur me disa deklarata të diplomatëve amerikanë, të bëra të ditura nga disa qarqe mediatike shqiptare, për hapa prapa të Shqipërisë në lidhje me anëtarësimin e plotë në NATO vitin e ardhshëm, pasi qeveria ka ndërhyrë për të kontrolluar sistemin e drejtësisë, shërbimet sekrete etj. Në këto kushte, ministri i Mbrojtjes Gazmend Oketa, mohoi zërat për ndërhyrje të qeverisë në sistemin e drejtësisë dhe të sigurisë kombëtare dhe deklaroi se tashmë procesi i integrimit të Shqipërisë në NATO, nuk ka kthim mbrapa dhe se qeveria mbetet e vendosur të arrijë qëllimin e saj, në mënyrë që vendi ynë të jetë sëbashku me vendet e tjera të aleancës. Megjithatë, ministri i Mbrojtjes Gazmend Oketa ka pranuar faktin se anëtarësimi i vendit drejt Bashkimit Europian është një proçes i cili ka vështirësitë e saj dhe sigurisht që ka kosto por ministri është shprehur i bindur se vendi do të dijë ti përballojë. Vetëm pak muaj në postin e ministrit të Mbrojtjes Oketa tha se tashmë Shqipëria ka hyrë në një rrugë reformash të cilën do të bëjë të pamundur ta realizojë deri në fund. “Do të dimë të mbajmë ritmin e reformave”, është shprehur ministri Oketa. Bëhet e ditur se, burimet diplomatike amerikane, kanë tërhequr vëmendjen, pasi me gjithë progresin e jashtëzakonshëm politik dhe të reformave para dhe pas samitit të Bukureshtit, qeveria po kërkon të kufizojë dhe kontrollojë prokurorinë, KLD-në, shërbimet sekrete. Ndërkaq, nga ana tjetër, ka erdhur edhe reagimi i opozitës. Anëtari i kryesisë së PS-së Pandeli Majko dhe kryetari i PAD Neritan Ceka kanë dhënë reagimin e tyre në lidhje me shqetësimin e SHBA-ve për deformimin e institucioneve në Shqipëri. Ish-kryeministri Pandeli Majko u shpreh me cinizëm dhe pa baza reale se qeveria e kryesuar nga Berisha po fut në krizë reale marrëdhëniet e Shqipërisë me ndërkombëtarët. Sipas Majkos gjithçka lidhet me të vërtetën mbi Gërdecin. “Ngjarja e Gërdecit është ngjarja më e rëndë e ndodhur në Shqipëri pas ngjarjeve të ’97-ës dhe ka ndikuar shumë në marrëdhëniet e Shqipërisë me ndërkombëtarët. Në këtë mënyrë patjetër që kjo ngjarje do të ndikonte tek ndërkombëtarët dhe prandaj gjërat nuk mund të shikohen pa dorashka”, ka deklaruar Majko. Më tej ai ka shtuar se një kritikë e tillë e SHBA-së cenon shumë imazhin e Shqipërisë pasi elementet e kritikës janë të rënda, kanë të bëjnë me marrëdhëniet e qeverisë me presidentin dhe Prokurorinë e Përgjithshme. Ndërsa kryetari i PAD Neritan Ceka shprehet se asgjë nuk ka ndryshuar në mënyrën se si demokratët janë mësuar ti ndërtojnë marrëdhëniet me institucionet kushtetuese. “Marrëdhëniet e ekzekutivit me presidentin dhe drejtësinë kanë qenë ekuilibra të prishur” - ka deklaruar Ceka.
Oketa-Ziebrecht: Modernizimi i Forcës Ajrore, një standard i kërkuar edhe nga NATO/Ministri i Mbrojtes Gazmend Oketa ka pritur dje në një takim një delegacion të kryesuar nga zv/ Presidenti i Kompanisë EADS (Europian Aeronautic Defence and Space Company) z. Jenc Ziebrecht. EADS është kompania më e madhe në Europë, që operon në fushën e sistemeve aeronautike dhe të mbrojtjes ajrore, e shtrirë në pjesën më të madhe të shteteve europiane. Ministri i Mbrojtjes Gazmend Oketa i ka bërë me dije z. Ziebrecht prioritetet e Ministrisë së Mbrojtjes në këtë fushë. Në kuadrin e modernizimit të Forcave të Armatosura Shqiptare, mbetet prioritetet yni, ka theksuar Oketa edhe modernizimi i Forcës Ajrore, një standard ky i kërkuar edhe nga NATO. Më tej, ai ka folur për projektet konkrete të ndërmarra nga Ministria e Mbrojtes, ku aktualisht jemi duke punuar në fushën e modernizimit dhe blerjes së helikopterëve për Brigadën Ajrore si dhe me një projekt tjetër të rëndësishëm, atë të ngritjes së sistemit të vëzhgimit të hapësirës ajrore, po sipas standarteve të NATO-s dhe BE-së, ka theksuar Ministri Oketa. Zv/Presidenti i EADS z. Ziebrecht, ka falenderuar Ministrin e Mbrojtjes për pritjen dhe u shpreh i kënaqur, sepse në këtë vizitë të parë në Shqipëri, janë të dukshme zhillimet ekonomike dhe përpjekjet për të qenë pjesë jo vetëm e NATO-s, por edhe e BE-së, ka thënë ai. Më pas, ai ka prezantuar arritjet e kompanisë EADS. Aktualisht jemi duke bashkëpunuar me shtete të tilla si Franca, Gejrmania e Spanja, ka thënë z. Ziebrecht, për zevëndësimin e avionëve të vjetër të ushtrive respektive më avionë të rinj luftarakë, eurofighter. Cooperimi i parë mes Ministrisë së Mbrojtjes, kompanisë EADS dhe Gjermanisë, janë helikopterët BO, të cilët i janë dhuruar Forcave Ajrore shqiptare nga qeveria gjermane dhe që ka qenë fryt i një bashkëpunimi të suksesshëm tripalësh.