Dashuria e seksi, bazat për martesë

Dashuria e seksi, bazat për martesë

Mendoni pak: Më shumë se 90 për qind e jetës është e mbushur me kërkime mondane, si pastrimi i shtëpisë, pagesa e faturave që nuk të lë të qetë për çdo muaj, apo furnizimi i shtëpisë me ushqime etj. Po ashtu shumë meshkuj dhe femra kanë detyrime financiare që u kërkojnë atyre të punojnë gjithë ditën dhe punë nga më të vështirat. Në këtë botë plot detyrime dhe përgjegjësi, Zoti ka hedhur diçka të mrekullueshme në prehrin tonë. Në fund të ditës kur kemi lënë punën, fëmijët kanë shkuar në shtrat dhe ne më në fund mund të prekemi, puthemi dhe kënaqim njëri-tjetrin sikur asnjë shqetësim apo problem të mos na kishte ndodhur atë ditë. Një jetë seksuale e kënaqshme i jep ngjyra martesës nga fillimi deri në fund dhe një lidhje shumë e fortë krijohet mes bashkëshortëve kur ata vlerësohen, besojnë tek njëri-tjetri dhe thurin edhe ëndrra mes tyre. Një mashkull i cili ndihet i plotësuar seksualisht do të bëjë gjithçka për partneren e tij.
Pse ndodh kjo?
Seksi është nevoja thelbësore për çdo mashkull dhe nëse ata vërejnë se kjo është diçka që nuk i mungon për asnjë çast, ata ndjejnë shumë vlerësim dhe dashuri ndaj personit që kanë në krah. Një mashkull i kënaqur seksualisht kur rrugës nga puna për në shtëpi i jep makinës dhe thotë “sa me fat ndihem që jam martuar me këtë grua. Duhet të jem mashkulli më i lumtur në këtë botë”. Duke e ndjerë veten kaq mirë, ai fillon të mendojë se si të shpërblejë kujdesin dhe lumturinë që i falni. Çfarë të veçante mund të përgatiste për ju atë natë, si mund t’u bëjë të ndizeni flakë, cilat mund të jenë komplimentet që do t’u depërtonin thellë në zemër etj. Nëse doni këtë lloj besnikërie dhe vlerësimi, atëherë “takoni” nevojat seksuale të bashkëshortit tuaj. Shumë femra mund të mendojnë, e kam provuar diçka të tillë dhe nuk funksionoi. Por në fakt, ju nuk duhet vetëm “të përpiqeni” për këtë, kjo sjellje duhet të bëhet pjesë e çdo dite tuaj. Një kohë e mirë për seks do të bëjë një mashkull shumë mirënjohës për një kohë të gjatë.
Refuzimi
Por nëse refuzoni partnerin tuaj për pesë minuta, atëherë rrezikoni që ai t’u refuzojë më shumë se pesë herë dhe jo vetëm atë ditë. Për pjesën më të madhe të meshkujve, kjo nevojë seksuale është një kërkesë që ata kanë ndaj bashkëshorteve të tyre. Ju mund të jeni një kuzhiniere e shkëlqyer, këshilluese shumë e mirë, por nëse nuk i kushtoni rëndësi mënyrës si bëni dashuri me të, bashkëshorti do të ndihet i zhgënjyer. Me pak fjalë, nëse i jepni bashkëshortit seks të hatashëm, nuk duhet të çuditeni që ai nuk do t’i kushtojë shumë rëndësi gjërave të tjera. Një mashkull dhe një femër janë lidhur bashkë për të mos u ndarë kurrë më, ndaj duhet të përpiqen që çdo ditë të tyre ta shijojnë dhe gëzojnë sikur të ishte e para që kalojnë me njëri-tjetrin. Nëse nuk jeni intimë dhe të dashur me partnerin, atëherë me kë do të jeni? Në momentet tuaja më të bukura silluni ashtu siç ai dëshiron, bëni lëvizjet, thoni fjalë që atë do ta gëzonin më shumë. Një mashkulli i pëlqen të mendojë dhe besojë se ju jetoni dhe mendoni vetëm për të edhe nëse kjo nuk është e vërtetë, shtiruni sikur të ishte. Në një çift dy gjërat më të rëndësishme janë dashuria dhe seksi, gërshetojini të dyja, për të pasur martesën dhe marrëdhënien që keni dëshiruar gjithmonë.