Delijorgji e Pinari, miqtë e Majkos që përdorën skrapin për të vjedhur financat e shtetit

Delijorgji e Pinari, miqtë e Majkos që përdorën skrapin për të vjedhur financat e shtetit


Friday, 18 April 2008
Edhe pse drejtuesit e ministrisë së Mbrojtjes dhe të qeverisë “Berisha”, në momentin kur ndodhi tragjedia e Gërdecit deklaruan “nuk dimë asgjë” dhe vazhdojnë të mohojnë se ka dokumente në lidhje me aferën e Delijorgji, Pinari, Diveroli, mediu Berisha, ne u kujtojmë këtyre “bosëve” të trafikut të armëve, se ka një raport kontrolli në dosjet e kësaj minsitrie dhe qeverie që konfirmon dijeninë e plotë të tyre, madje dhe vazhdimin e kësaj tregëtie me fytyrë të plotë afere korruptive. Në këtë dosje kontrolli, ka të dhëna të hollësishme për grupartikullin “Armatim”.
Pazaret e pista Pinari, Delijorgji dhe heshtja e drejtuesve të lartë të ministrisë
Për shitjen e skrapit, të përfituar nga demontimi i armatimit nuk është kryer asnjë negociatë me blerësin, për ta vlerësuar këtë material në kategorinë “skrap çeliku me cilësi të lartë”, i cili duhej të mbahej gjendje dhe shitja e tij të kryhej me ankand, sikurse është vepruar me skrapet e tjerë, të përfituar nga demontimi. Pse? Sepse skrapi i çelikut, që përfitohet nga demontimi i armatimit, në sasinë 6150 ton është i barasvlefshëm me çelikun e përfituar nga demontimi i shitjeve (predhat e municioneve të artilerisë), të cilat jane blerë në ankandin e datës 28.07.2004, me çmimin 240 USD/ton nga shoqëria “Kurum”, Elbasan. Kjo sasi çeliku është blerë nga firma “Përparimi” e Delijorgjit, me nënkontratë dhe është shitur pranë firmës “Kurum”, pas ankandit të datës 28.07.2004, me çmimin 72 USD/ton, ose më pak 168 USD/ton. Si rrjedhojë e shitjes së skrapit të çelikut të cilësisë së lartë, pa ankand dhe me çmim më të ulët se ankandi i datës 28.07.2004, është shkaktuar dëm ekonomik në të ardhurat e Ministrisë së Mbrojtjes, në vlerën 1.033.200 USD (6.150 x 168), për të cilën mbajnë përgjegjësi: Drejtori i ndërmarrjes “Meico”, i cili ka lidhur kontratën midis palëve në datën 23.10.2003, në kundërshtim me rregulloren e Ministrit të Mbrojtjes, Nr. 495/2, datë 21.10.2003 “Për procedurat e shitjes me ankand të teknikës, pajisjeve dhe armatimit të hequr nga përdorimi”, duke lejuar shitjen me pocedurë të drejtpërdrejtë të skrapit, me çmim 72 USD/toni dhe jo me 240 USD/toni, që përfaqson çmimin më të lartë, të ofruar në ankand. Ky veprim është në kundërshtim me VKM nr. 617, datë 04.12.2002 “Për heqjen nga armatimi dhe përdorimi, të një pjese të armëve, të teknikës dhe të pajisjeve të forcave të armatosura dhe për asgjësimin, ose çmontimin dhe shitjen e tyre”, pika 2. Për rrjedhojë është shkaktuar dëm ekonomik në vlerën 1.033.200 USD. Përgjegjësi mbajnë Shefi i Armatim-Municioneve të Forcave Tokësore, që ka miratuar listën e armatimit, të ndarë sipas reparteve pa kërkuar evidentimin e tyre, si skrap i cilësisë së lartë e po kështu zëvendësdrejtori i Drejtorisë së Logjistikës, i cili ka hartuar udhëzimin për demilitarizimin dhe transformimin e armatimit në skrap, pa cilësuar materialin e përfituar “skrap i cilësisë së lartë”, për trajtimin e mëtejshëm të tij, në kundërshtim me udhëzimin nr. 281, datë 17.06.2003 “Për trajtimin e pjesës së armëve që hiqen nga përdorimi”, pikat 23 dhe 3, duke shkaktuar dëm ekonomik, në vlerën 1.033.200 USD. Veprimet e mësipërme, janë në kundërshtim me pikën 2, të VKM nr. 617, datë 04.12.2002 “Për heqjen nga armatimi dhe përdorimi, të një pjese të armëve, të teknikës dhe të pajisjeve të forcave të armatosura dhe për asgjësimin e tyre ose çmontimin dhe shitjen e tyre”.

Firma “Elbo” në Qipro penetroi dhe abuzoi së bashku me Pinarin e Delijorgjin
Në fazën e dytë, studimi i ofertës dhe llogaritja e kostos së programit të hartuar nga Ministria e Mbrojtjes dhe nga Shtabi i Përgjithshëm është parashikuar: “Në këmbim të skrapit të shitur, blerja në mënyrë të drejpërdrejtë nga firma “Elbo” e 20 automjeteve për Brigadën e Reagimit të Shpejtë”. Për blerjen e 20 automjeteve, me procedurë të drejpërdrejtë, nuk është parashikuar në “programin e veçantë” domosdoshmëria e blerjes së tyre pa tender, qëllimi i përdorimit dhe efektiviteti i tyre, në kushtet aktuale të ushtrisë shqiptare, “Për të justifikuar dhe kryer këtë blerje emergjente, me prokurim të drejtpërdrejtë”. Nga kontrolli I zbatimit te procedurës së blerjeve të automjeteve rezultoi:
Ministria e Mbrojtjes dhe ndërmarrja “Meico”, me faksin e datës 11.03.2003, i drejtohen kompanisë “DAIMLER CHRYSLER”, për mundësinë e furnizimit me automjete tip “290 GTD”. Kompania Gjermane, ktheu përgjigje, se: “Ky tip automjeti është prodhuar vetëm për partnerin e kompanisë tonë në Greqi “ELBO” s.a - dhe nuk disponojmë mjete të tjera të këtij tipi, për informacion të mëtejshëm drejtohuni pranë shoqërisë “ELBO”.
Në vazhdim të negociatave, arrihet marrëveshja me shoqërinë “ELBO”, duke theksuar se kjo shoqëri nuk është e specializuar në tregëtinë e skrapeve, të lidh nënkontratë me shoqërinë “FLEMONT TRADING” Ltd Nicosia Cyprus, që në këmbim të skrapit të fuenizojë ndërmarrjan “Meico”, me 20 automjete tip “290 GTD”. Sipas kontratës, çmimi për një automjet është vendosur 66.725 euro, pa vlerën e taksës doganore dhe TVSH. Për çmimin e automjeteve nuk u gjet asnjë e dhënë për vlerësimin e ofertës së paraqitur nga shoqëria “Elbo”.
Nga kontrolli rezultoi se, oferta për blerjen e skrapi është vlerësuar në USD, ndërsa çmimi i automjeteve është ofruar në euro, pra kontrata është vlerësuar në dy njësi monetare të ndryshme, në kundërshtim me kushtet e përgjithshme të kontratës të përcaktuara me UMK nr.1, datë 01.01.1996. Me urdhërin e ish-ministrit të Mbrojtjes Pandeli Majko, nr.494, datë 23.10.2003, është autorizuar ndërrmarja “Meico” për lidhjen dhe nënshkrimin e kontratës “Barter”, me firmën “Elbo”. Kontrata midis palëve është lidhur në datën 23.10.2003. Urdhëri i mësipërm është në kundërshtim me rregulloren e nënshkruar nga vetë Ministri i Mbrojtjes nr.495/2, datë 21.10.2003 “Për proçedurat e shitjes me ankand, të teknikës, pajisjeve dhe armatimit të hequr nga përdorimi”. Lëvrimi i skrapit, ka filluar ka filluar në muajin janar 2004 dhe deri në fund të vitit 2005, kontrata është plotësuar në masën 75%, ose 22.500 ton skrap e barabartë kjo, me vlerën e 15 automjeteve të marra në dorëzim. Nga sasia e përgjithshme e skrapit të kontraktuar, firma “ELBO”, ka tërhequr 8.992 ton, me çmimin 60 USD/ton, në vlerën 539.520 USD. Ndërsa për pjesën tjetër, prej 13.400 ton, firma “ELBO” ka autorizuar me nenkontratë shoqërinë “Përparimi” të Delijorgjit. Sipas nënkontratës, midis palëve është pranuar çmimi 72 USD/ton, pra është shtuar vlera e TVSH. në masën 20%.
Sasia e skrapit të blerë nga firma “Përparimi”, për llogari të shoqërisë “Elbo”, sipas dokumenteve që disponon ndërrmarja “Meico” është shitur në favor të shoqërisë “Kurum” Elbasan. Nga kontrolli i ushtruar në programin e hartuar dhe në dokumentacionin (fletë-daljet) për shitjen e skrapit, nga repartet e Ministrisë së Mbrojtjes në favor në ndërmarrjes “Meico”, për sasinë 8.992 ton (shitje e brendshme për ndërrmarjen “Meico” dhe e eksportuar jashtë vendit), rezulton se në vlerën e faturave nuk është përfshirë vlera e TVSH (20%) mbi çmimin 60 USD/ton. Ky veprim është në kundërshtim me ligjin nr.7928, datë 27.04.1995 “Për tatimin mbi vlerën e shtuar”, neni 1, ku theksohet: “Tatimi mbi vlerën e shtuar, paguhet për të gjithë funizimet e tatueshme të mallrave të kryer, kundrejt pagesës prej një personi të taueshëm, si një pjesë e veprimtarisë së tij ekonomike ne territorin e Shqipërisë”.

Ku përfundoi humbja financiare, që “rrodhi” nga afera korruptive?
Nga mosllogaritja e TVSH në masën 20% mbi çmimin e skrapit, që Ministria e Mbrojtjes ka shitur në favor të ndërmarrjes “MEICO”, buxhetit të shtetit i është shkaktuar dëm ekonomik I përvehtësuar në vlerën 107.904 USD (8.992 x 12). Për skrapin që disponon Ministria e Mbrojtjes, kanë paraqitur interes katër firma, nga të cilat dy vendase dhe dy të huaja. Në këto kushte, ishte plotësisht e mundur, të zhvillohej ankand i hapur ndërkombëtar për të rritur konkurrencën dhe për të siguruar çmimin më të lartë. Me të ardhurat e realizuara, Ministria e Mbrojtjes duhej të përcaktonte fondin limit dhe të zhvillonte procedurën “Tender i hapur ndërkombëtar”, për blerje automjetesh. Moszbatimi i kësaj procedure është në kundërshtim me ligjin nr. 7971, datë 26.07.1995 “Për prokurimin publik” me ndryshimet, neni 1. Nga kontrolli i ushtruar mbi të ardhurat e realizuara nga shitja e skrapit, rezultoi se në kundërshtim me VKM nr. 617, datë 04.12.2002, pika 4, Ministria e Mbrojtjes, në programin e hartuar për shitjen e skrapit, nuk ka llogaritur vlerën e të ardhurave që duhej të derdheshin në favor të buxhetit të shtetit, në masën 10% dhe vlera e mbetur (pas zbritjes së të ardhurave të buxhetit), të përdorej për blerjen e automjeteve. Nga ky abuzim i qëllimshëm, Ministria e Mbrojtjes ka përdorur padrejtësisht të ardhurat që i takojnë buxhetit të shtetit në vlerën 135.000 USD e cila përbën shkelje të disiplinës financiare, shkaktuar nga mosdeklarimi i të ardhurave në buxhet dhe fshehja e detyrimeve fiskale, nga shitja e skrapit, në formen “Barter” për blerjen e automjeteve, për të cilën mban përgjegjësi ish-ministri Majko.

Fakte korruptive me firmën çeke “Ledic”
Me VKM nr.367, datë 05.06.2003 “Për miratimin e programit të veçantë për pajisjen me kompleks stërvitor të qëndrës kombëtare të stërvitjes bazë, Bunavi dhe Brigadës së Reagimit të Shpejtë” është miratuar programi I veçantë I Ministrisë së Mbrojtjes, hartuar nga vetë ministry. Sipas programit është përcaktuar vlera e kompleksit stërvitor Jkub, të tipit “Standard”, me vlerë 278.670 euro, me prokurim të drejtpërdrejtë, me firmën “Ledic” Çeki.

Me urdhërin nr.328, datë 11.07.2003, nënshkruar nga ish-ministri Majko është autorizuar ndërmarrja “Meico” të lidhë kontratë me firmën “Ledic” Çeki, për blerjen e kompleksit stërvitor “Jakub”, të tipit “Standart”, me vlerë 278.670 euro, me të ardhurat e siguruara nga eksportet për llogari të Ministrisë së Mbrojtjes.

Nuk u gjet mënyra e përzgjedhjes së subjektit “Ledic” për blerjen, gjë që tregon së është favorizuar në mënyrë të padrejtë subjekti “Ledic”. Ky veprim ëhstë në kundërshtim me ligjin nr.7971, datë 26.07.1995 “Për prokurimin public”, neni 1, për të cilën mban përgjegjësi ish-ministri i Mbrojtjes