16 parlamente europiane, kanë ratifikuar MSA-në mes Shqipërisë dhe BE-së

16 parlamente europiane, kanë ratifikuar MSA-në mes Shqipërisë dhe BE-së


Qeveria, e angazhuar në përmbushjen e MSA-së


Qeveria shqiptare është e angazhuar seriozisht në zbatimin e të gjitha detyrave që rrjedhin nga marrëveshja e Stabilizimi-Asociimin duke nxitur njëkohësisht dhe rafikimin e kësaj marrëveshjeje mes Shqipërisë dhe BE-së nga ratifikimi i parlamenteve të vendeve anëtare të BE-së. Numri i vendeve që kanë ratifikuar MSA-në mes BE-së dhe Shqipërisë pritet të shkojë në 16 ku së fundmi, parlamenti i Francës është duke përfunduar procedurat për rafikimin e kësaj marrëveshjeje mes Shqipërisë dhe BE-së. Britania e Madhe, Estonia, Hungaria, Irlanda, Italia, Letonia, Lituania, Luksemburgu, Polonia, Sllovakia, Sllovenia, Spanja, Suedia, Hollanda, Italia dhe Belgjika kanë ratifikuar deri tani MSA-në mes BE-së dhe Shqipërisë. Ndërkohë që procedurat e nevojshme për fillimin e zbatimit te Marrëveshjes së Stabilizim-Asocimit, përveç nënshkrimit te saj nga të dy palët (pala Shqiptare dhe Institucionet përkatëse të Bashkimit Europian, kërkojnë edhe ratifikimin e kësaj marrëveshjeje nga Parlamentet e 25 Vendeve Anëtare të BE-së. Ky proces ratifikimi është i gjatë dhe kërkon një periudhë prej 2-3 vjetesh. Duke patur parasysh kohën e nevojshme për të plotësuar procedurat, Komuniteti Europian dhe pala shqiptare nënshkruan një marrëveshje të përkohshme, zbatimi i të cilës ka filluar në 1 Dhjetor 2006. Marrëveshja e Përkohshme parashikon krijimin e një zone të tregtisë së lirë mes dy vendeve, për një periudhë kalimtare 10-vjeçare. Gjithashtu, ajo parashikon fazat e hapjes së tregut vendas për eksportet e BE-së. Të dyja palët janë angazhuar për të hequr tarifat doganore për mallrat me prejardhje nga vendet e palëve apo masa të tjera me efekt të njëjtë ose të reduktojnë në mënyrë të shkallëzuar tarifat doganore deri në zhdukjen e plotë të tyre, gjatë një periudhe tranzitore pesë vjeçare të parashikuar në marrëveshje. Kjo përjashton vetëm mallrat e përfshira në listën e produkteve të ndjeshme, tarifat doganore të të cilave nuk do të ndryshojnë dhe, për këtë arsye, ato janë lënë jashtë Marrëveshjes. MSA-ja apo Marrëveshja e Përkohshme si pjesë përbërëse e saj, mundëson ruajtjen e disa masave penguese në tregtinë e lirë midis palëve me synimin e mbrojtjes së produktit vendas deri në bërjen e tij konkurrues në tregun komunitar deri ne zbatimin e saj dhe me pas, në anëtarësimin e Shqipërisë në komunitet, gjë që do të sillte zbatimin e detyrueshëm nga Shqipëria të parimeve të vendosura nga traktatet e BE-së, Komuniteteve Europiane dhe acquis communautaire (tërësia e normave te Komunitetit Europian). Në parim, lëvizja e lire e mallrave parashikon lëvizjen e produkteve origjinuese të një shteti në një shtet tjetër, pa tarifa doganore apo masa me efekt të njëjtë me to. Qëllimi i këtij parimi është eliminimi i barrierave tregtare ndërmjet palëve duke sjelle promovimin e produkteve kombëtare. Liberalizimi tregtar i parashikuar në Marrëveshjen e Përkohshme shkon përtej liberalizimit të ofruar nga palët me instrumente ligjore të njëanshëm dhe gjithashtu, merr parasysh marrëveshjet ndërkombëtare ku palët aderojnë.