Petro Koci

Tragjedia e gërdecit përveç dëmeve të konsiderueshme që ka shkaktuar me pasojë vdekjen e banorëve të pafajshëm dhe shkatërrimin e pronës së tyre ka krijuar pështjellim me akuza dhe kundër akuza dhe në jetën politike shqiptare. Debatet e ashpra në parlamentin shqiptar por dhe faktet e reja që për ditë e më shumë po shfaqen para opinionit shqiptar po zbardhin fakte tronditëse në cilën është e përfshirë pothuajse i gjithë spektri politik. Kjo situatë ndërkohë që gjithë shqiptarët presin zbardhjen e plotë të ngjarjesdhe vënien para përgjegjësive të fajtorët të vërtetë e kanë zbehur sinqeritetin dhe angazhimin e politikës në zbardhjen e kësaj masakre të pashoqë në historinë e tranzicionit shqiptar. Ky pështjellim tashmë ka përfshirë dhe vetë forcat politike brenda tyre të cilat do të ndezin akoma më shumë situatën e pasigurisë dhe besueshmërisë të politikanëve shqiptarë. Ka qenë pikërisht njëri nga zërat e pakët ndryshe në selinë rozë, zoti Petro Koci, i cili nëpërmjet një deklarate për shtyp ka hedhur hijet e dyshimit të përzieries së krerëve më të lartë të kësaj partie me afera korruptive me autoret mofioze të kësaj masakre. Zoti Koci duke akuzuar lidershipin aktual të PS shprehet dyshues se ky i fundit do të vazhdojë luftën politike për largimin e Berishës nga pushteti dhe vënien e tij para përgjegjësisë. Në një prononcim për gazetën “SOT “, përfaqësuesi i Lëvizjes Institucionale të socialisteve, shprehet se” fajësia politike dhe ligjore mbi tragjedinë e Gërdecit nuk përbën thjesht një shans të opozitës për të kërkuar pushtetin dhe për të rrëzuar Sali Berishën. “Nëse opozita do e përdorë këtë ngjarje vetëm si këngë politike për tja kënduar Sali Berishës deri në zgjedhje apo edhe ca ditë pas zgjedhjeve ,ky do ishte një krim i ri. Gërdeci, përgjegjësitë e shtetit e politikës mbi të duhet të kthehen në shansin e shoqërisë për të pastruar një pjesë të klasës politike nga lidhjet e saj me krimin dhe korrupsionin. Fenomeni Delijorgji ngarkon me përgjegjësi demokratë e socialistë” deklaroi Koçi. Sipas tij, ai është rasti i bërë publik kur pushteti informal e ka vënë nën këmbë pushtetin e zgjedhur politik. Kostua e bërjes publike të aferës së Gërdecit që shumë e lartë. “Prandaj PSSH duhet të distancohet urgjentisht nga fenomeni Delijorgji dhe pushtetin e tij mbi drejtues të caktuar të partisë. Vetëm kështu kërkesa jone për të shkarkuar Sali Berishën do të ishte e besueshme. Lëvizja Institucionale Socialiste shpreson që këtë aksion parimor të mos e frenojnë dot sheshet e ndërtimit që Delijorgji ka marrë nga Bashkia e Tiranës” përfundoi Koçi