Edi Rama i mberthyer nga korrupsioni

Tri aferat korruptive të Ramës pa përgjigje

Kryetari i Partisë Socialiste, Edi Rama nuk po mban premtimin e tij publik për të bërë transparencë për një seri aferash të tij korruptive personale dhe familjare. Përmes një deklarate për mediat të zëdhënëses së saj, Laura Vorpsi, Partia Demokratike i bëri thirrje kreut të opozitës, Edi Rama t'i tregojë publikut çmimin e vërtetë të blerjes së vilës së tij 8 mijë metër katrorë në tokë, në një zonë në të cilën toka është blerë nga qytetarë të tjerë, jo 2 dollarë siç e deklaroni se e keni blerë ju, por së paku 22 e më shumë dollarë, çmime shitjeje këto të regjistruara në dokumente zyrtare. Zëdhënësja e PD-së Vorpsi tha se, çmimi prej 2 mijë lekësh apo 2 dollarësh, apo 1,3 euro që ka deklaruar bashkëshortja e Ramës është qesharak dhe nuk ekziston askund në periferinë e Tiranës. "Kryetari i Partisë Socialiste, Edi Rama, po i fshihet dhe po shmang prej disa javësh transparencën për një seri aferash të tij korruptive personale dhe familjare dhe nuk po mban kështu premtimin e tij publik për të zbardhur aferat e tij. Unë jam sot këtu për t'i bërë thirrje zotit Rama t'i tregojë publikut çmimin e vërtetë të blerjes së vilës së tij 8 mijë metër katrorë në tokë, në një zonë në të cilën toka është blerë nga qytetarë të tjerë, jo 2 dollarë siç e deklaroni se e keni blerë ju, por së paku 22 e më shumë dollarë, çmime shitjeje këto të regjistruara në dokumente zyrtare. Çmimi prej 2 mijë lekësh apo 2 dollarësh, apo 1,3 euro që ju keni deklaruar, është qesharak dhe nuk ekziston askund në periferinë e Tiranës, prandaj ju bëjmë thirrje t'i thoni publikut çfarë fshihet prapa këtij çmimi, shmangia e detyrimit tatimor të shumës së vërtetë të përdorur për blerjen e tokës apo origjina jo e pastër e parave të përdorura për këtë qëllim", tha zëdhënësja e PD, Laura Vorpsi. Partia Demokratike kërkon nga zoti Rama të paraqesë para publikut të gjitha dokumentet zyrtare bankare, tatimore dhe faturat e paguara, firmës së ndërtimit për 1 milion euro investim në pallatin 5-katësh me sipërfaqe ndërtimi 900 metër katrorë me investitorë dhe pronarë kunatin e shokut Rama të vetëpunësuar dhe xhaxhain e tij pensionist, theksoi zëdhënësja Vorpsi. "Partia Demokratike i kujton zotit Rama se fshehja ndaj publikut të burimit të financimit prej 1 milion eurosh të pallatit në pajë, akuzon për origjinë jo të pastër të këtyre parave familjare. Ai pallat nuk mund të futet në kasafortën e Partisë Socialiste. Partia Demokratike i bën thirrje zotit Rama të zbardhë me dokumente zyrtare siç kërkon ligji i deklarimit të pasurive, origjinën e 100 milionë lekëve kredi pa interes të gruas së tij dhënë motrës së saj. Heshtja juaj familjare për këto çështje zoti Rama, flet vetë, madje shumë më tepër nga ç'mendoni ju", tha zëdhënësja e Partisë Demokratike, Laura Vorpsi.

Lejet e ndërtimit në shkelje flagrante të ligjit

Dy lejet e ndërtimit dhënë gruas së tij për ndërtimin e pallatit në pajë në sheshin e pallateve në konflikt të hapur interesi dhe shkelje të nenit 62 të ligjit të urbanistikës dhe anulimi i lejes së ndërtimit në faqen kallkan të pallateve po aty, dëshmojnë standardet më të ulëta të punës së një zyrtari. "Partia Demokratike i deklaron zotit Rama se dy lejet e ndërtimit dhënë gruas së tij për ndërtimin e pallatit në pajë në sheshin e pallateve në konflikt të hapur interesi dhe shkelje të nenit 62 të ligjit të urbanistikës dhe anulimi i lejes së ndërtimit në faqen kallkan të pallateve po aty, dëshmojnë standardet më të ulëta të punës së një zyrtari", tha ndër të tjera..