Psikopati Edvin Rama ka dale jashte kafazit.

Psikopati ka dalë nga kafazi!

Incidenti i turpshëm, ai i goditjes me grushta të diplomatit shqiptar në Vjenë, Egin Ceka nga kreu i Partisë Socialiste, Edi Rama, ka ngjallur debate të forta në seancën plenare të ditës së enjte. Kryeministri Sali Berisha e denoncoi këtë akt, sipas tij, amoral, ndërsa theksoi se Rama ose ka probleme psikike ose ishte nën efektin e drogës, për të cilën ai akuzohet si përdorues. Për të zbardhur këtë akt rrugaçëror e të ulët, Kryeministri Berisha kërkoi ngritjen, ditën e hënë, të një komisioni hetimor parlamentar. "Jam sot këtu në Parlament, për të denoncuar një akt të paprecedent në historinë e shtetit shqiptar, i cili përbën ndoshta dhe aktin më të rëndë në tërë historinë diplomatike dhe politike të takimeve dhe konferencave. Ky akt qëndron në agresionin e rëndë, të turpshëm, brutal, shtazor që kryetari i Partisë Socialiste dhe kryetari i koalicionit të pazareve, edhe ngjalave i ka bërë një prej diplomatëve të rinj, më të përgjegjshëm dhe më të përgatitur të këtij vendi. Ky akt është i turpshëm. Një akt i përsëritshëm i tij edhe ndaj jush që jeni këtu në sallë, por juve mirë jua bën. Ju i keni provuar mirë këto. Unë këtu denoncoj në mënyrën më të ashpër këtë akt të turpshëm, këtë akt violent, këtë akt brutal, këtë akt amoral, të një njeriu që ose humbi çdo kontroll të fakulteteve të tij psikike, ose ishte ashtu siç e akuzojnë rëndom, nën efektin e dozave të mëdha. Cilado që të jetë, ky është akti më i turpshëm. Akt të tillë në ambasada nuk kanë realizuar as etërit e zotit Rama. Por ju, në këtë histeri kolektive që ju merr këtu për ta mbrojtur, duhet të mendoni se ai mund të ishte djali juaj, mund të ishte vëllai juaj, mund të ishte njeriu juaj dhe se ai është një nga djemtë më të sjellshëm të diplomacisë shqiptare. Po qe se doni, ne jemi gati të sjellim në këtë Parlament, jo 1, por 30 dëshmitarë. Po qe se doni, urdhëroni të krijojmë komisionin hetimor parlamentar. Është prekur diplomacia me dhunë. Ne do të krijojmë komision hetimor parlamentar", theksoi Berisha. Për të zbardhur këtë akt, sipas tij të shëmtuar e të ulët, Kryeministri Sali Berisha i kërkoi deputetëve demokratë ngritjen e një komisioni parlamentar hetimor. Komisioni do të ngrihet ditën e hënë. "Zoti kryetar i Grupit parlamentar të Partisë Demokratike, unë i propozoj grupit parlamentar të ndërmarrë komision hetimor parlamentar. Ditën e hënë, ky Parlament voton komisionin hetimor parlamentar, për të hetuar deri në një, aktin e paprecedent, të turpshëm, amoral, aktin që nuk ka ndodhur kurrë në historinë e këtij shteti, aktin e agresionit të një diplomati të ri nga kreu i opozitës, në një moment shfazimi total bipolarizmi ose overdoze. Absolutisht, që të gjitha do të bëhen. Ditën e hënë do të votohet këtu komisioni hetimor parlamentar. Keni faktuar ju se sa mund të na pengoni ne. Ai ju tërheq ju nga gropa në gropë, nga humbja në humbje, nga turpi në turp, nga disfata në disfatë. Ne komisionin do ta ngremë", theksoi Berisha. Kryeministri u shpreh se do të përdorë të drejtën e tij kushtetuese për të thirrur Parlamentin në çdo kohë dhe për të ngritur komisionin hetimor parlamentar.

Rama qëlloi me grushte diplomatin

Kryetari i PS, Edi Rama, është përfshirë mbrëmjen e të mërkurës në një sherr publik me diplomatin shqiptar, Egin Ceka, pjesë e Akademisë Diplomatike të Vjenës. "Unë dua të informoj shqiptarët p?rsa ka ndodhur dje, në një nga sallat më prestigjioze të Austrisë, teksa zoti Rama mbante një konferencë në Akademinë Politike të Vjenës, i sponsorizuar nga Partia Socialdemokrate austriake dhe një piktor shqiptar. Pas ekspozesë së tij, pasi thotë gjithçka dhe lexon mashtrimet e trillimet e tij ndaj vendit dhe kombit të tij, duke dalë, pasi mbyllet konferenca, në të cilën zoti Rama humbi tërësisht kontrollin kur e pyetën për gjëra të ndryshme, një nga dy diplomatët që ishin aty, qoftë edhe për t'i shërbyer zotit Rama, siç kanë porosi të gjithë ambasadat që të trajtojnë zyrtarisht çdo funksionar të pozitës apo opozitës, diplomati i ri, ndër më korrektët, më të përkushtuarit, më të civilizuarit, i shtron pyetjen zotit Rama: si ka mundësi që ju flisni në këtë mënyrë për vendin tuaj? Pyetjes që i'u bë në sallë nga emigrantët se p?rse nuk lejoheshin ata që të votonin në ambasadë, zoti Rama i'u përgjigj: nuk do të lejoj, sepse diplomatët janë hajdutë votash. Diplomati i ri i thotë: zoti Rama, ne jemi këtu për të shërbyer, nuk jemi hajdutë votash. Si mund të na quash ne, hajdutë? Kjo mjaftoi për të shtrirë dorën dhe grushtin e pakontrolluar drejt diplomatit, në prani të dhjetëra e dhjetëra vetëve. Kjo mjaftoi për t'u lëshuar në sharje prej rrugaçi të mirëfilltë, me regjistër të gjendjes civile, ndaj familjes së diplomatit. Kjo mjaftoi për të dalë jashtë çdo lloj kontrolli dhe ndërhynë të gjithë të pranishmit, sepse donte të agresonte edhe më tej diplomatin e ri", theksoi Berisha....