Bashkia e Tiranes

Këshilli Bashkiak i Tiranës diskuton projektbuxhetin e vitit 2014. Buxheti për Tiranën, 5% më i lartë se paraardhësi

Këshilli Bashkiak i Tiranës diskuton sot projektbuxhetin e bashkisë për vitin 2014 për kryeqytetin. Prezantimi i këtij projektibuxheti u bë nga nënkryetari i Bashkisë së Tiranës, Enno Bozdo. Por përpara nisjes së këtij prezantimi, ishte kryetari i Këshillit Bashkiak, Aldrin Dalipi ai i cili kritikoi kryebashkiakun Basha për shpërfillje të këshillit dhe të vetë bashkisë, sa kohë që nuk ishte i pranishëm në këtë mvbledhje të rëndësishme për kryeqytetin. “Kryetari i Bashkisë së Tiranës duhet të jetë këtu, nëse gjen kohë për konferenca shtypi, duhet të gjejë kohë të paktën një herë në vit të vijë këtu dhe të flasë përpara qytetarëve dhe jo vetëm në zyrën e tij. Kur anashkalohet ky këshill unë gjykoj që është një shprehje e mospërfilljes, shprehje e asaj që deri diku po vuan Tirana. Futjes së politikës së madhe në atë çka ky qytet pret në të sotmen dhe të nesërmen e vet. Tirana është një kryeqytet pa kryetar. Braktisja e tij është joserioze”, vuri në dukje Dalipi. Ndërkohë që në prezantimin e projektbuxhetit të Bashkisë së Tiranës, Bozdo vlerësoi faktin se në total ku buxhet kap shiofrën e 5 miliardë e 645 milionë, 5% më shumë se ai i vitit që po lemë pas. “Dokumenti i sotëm është ka vijimësi logjike, programore dhe financiare. Ai hyn plotësisht në kuadrin e dokumentit të planifikimit buxhetor afat-mesëm 2014-2016, duke respektuar tavanet buxhetore, vijimësi e PBA 2013-2015. Veçanërisht ky i fundit është i rëndësishëm sepse përfaqëson një planifikim tre vjeçar koherent, i zbatuar për herë të parë në Bashkinë e Tiranës, me vizionin e ofrimit të zgjidhjeve tërësore dhe jo ad hoc, duke shënuar kështu një rritje cilësore shumë të madhe në mirëmenaxhimin financiar dhe vendosjen e objektivave të integruara për qytetarët e Tiranës”, u shpreh nënkryetari i bashkisë..  .